කෝමාරිකා පඳුර
අපි හැමෝම දන්න ශාකයක් ගැන මොකටද ලියන්නෙ කියල ඔයාල හිතනව ඇති. ඒත් මට සිද්ද වෙච්ච ලස්සන සිද්දියක් නිසයි ඒ ගැන ලියන්න හිතුනෙ.
අපි දැන් ඉන්නෙ නවසීලන්තයෙ අගනුවර වන වෙලින්ටන් නගරයෙයි. මේකට කියන්නෙ වින්ඩි වෙලින්ටන් කියල ඒකට හේතුව සීත ර්තුවේදි මේ නගරය හරහා යන වෙගවත් සීත සුළං ධාරාවල්. නවසීලංතයෙ උතුරු දූපතේ දකුණු කෙලවරේ තමා මේ නගරය පිහිටල තියෙන්නෙ, ඉතින් දකුණු දූපතේ තියෙන හිම කඳු හරහා එන සීත සුලං උතුරු දූපතට ඇතුල් වෙන්නෙ මේ නගරය හරහායි. ඒත් මේ නගරය ලෝකෙම තියෙන ලස්සන නගරයක්. නගරය ගැන පස්සෙ ලියන්නම්, දැනට මේ ටික කිව්වෙ අපි ඉන්න ප්‍රදේශය ගැන පොඩි හැඳින්වීමක් කරන්නයි. මොකද අපි මෙහාට ඇවිත් තාම මාස දෙකක්වත් නෑ, අනික මෙහෙට දැන් සීත ර්තුව, ඉතින් හවස 5- 5.30 විතර වෙනකොට අඳුර වැටෙනව.
අපි ඉන්න ගේ ලගම තියෙනව මහ විසාල කෝමාරිකා පඳුරක්, මේක දැක්ක මුල් දවසෙ අපි හිතුව එක්කෝ මේ වෙන පැලෑටියක් වෙන්න ඇති කියල මොකද ඒක එච්චරටම විශාල පඳුරක්, මිනිස්සු විස්සක් තිහක් හන්ගන්න පුලුවන් මේ පඳුරෙ. ඒත් නිකමට වගේ පත්‍රයක් කඩල බැලුව සුවදත් කෝමාරිකා මයි.
ඔන්න වෙච්ච වැඩේ කියන්නෙ අපිට හැමදාම මේ පඳුර බලන්න බැරි වෙනව මොකද ඒක තියෙන්නෙ අපියන පාරෙ පාපුවරුව පැත්තෙ නෙමෙයි, ඒ වගේම උදේට යනකොට එතන කන්දට මුවාවෙලා නිසා දකින්න ලැබෙන්නෙ නෑ, අනික උදේට හදිස්සියෙන් යන නිසා ඒ පැත්ත හැරිල බලන්න වෙන්නෙත් නෑ. හවසට එද්දි කලුවර නිසා පඳුර පෙනෙන්නෙත් නෑ.
ඉතින් මමයි මගේ බිරිඳයි කතා වෙනව කෝමාරිකා පඳුර කපල අයින්කරලද දන්නෙනෑ මොකද අපි දෙන්නටම මේක දකින්න ලැබෙන්නෙ නැති නිසා. මම දවසක් හවස ගෙදර යන ගමන් හිතුව අද මතක් කරලම බලනව කියල කෝමාරිකා පඳුර තියෙනවද කියල. ඔන්න ඉතින් මම කෝමාරිකා පඳුර තියෙන තැනට ලංවෙනකොට හොදට බැලුව ඒත් එතන පඳුර වෙනුවට මල් ගොඩක් තියෙන වෙන පඳුරක් තියෙනව, ඉතින් දැන් එතන කලුවරත් නිසා එච්චර පැහදිලිත් නෑ, ඒත් මල් තියෙන නිසා කෝමාරිකා වෙන්නත් බෑ, මම එතන පහුකරලත් ගිහින් ආයෙත් හිතුව නිකමට මොකටත් ආයෙ ගිහින් බලනව කියල. ඔන්න මම ආයෙත් ගියා මේ සැරේ පඳුර ලඟටම. බලපුවහම ඒක කෝමාරිකා පඳුරම තමා ඒත් මල් වලින් පිරිල, මට හිතුන තවත් මල් ගහක් යටින්වත් වැවිලද කියල මල් තියෙන අත්තක් ඇදලම බැලුව, අනේ නෑ ඒක කෝමාරිකා මලක්මයි.
ඉතින් මම මේ සිද්දිය ගෙදර ගිහින් මගේ බිරිඳට කිව්වම එයා විස්වාස කලෙත් නෑ. ඊට පස්සෙ මම මොකටත් අන්තර්ජාලයේ හොයල බැලුවම ඔය තියෙන්නෙ මලුත් එක්කම කෝමාරිකා පඳුරු.
ඔන්න මම ඔයාල හැමෝටම බලාගන්න අපේ ගෙවල් ලඟ කෝමාරිකා පඳුරෙ ෆොටෝ පහල දාල ඇති.
ඊලඟට වෙච්ච වැඩේ තමා හොඳම, අර කලින් කියපු සිද්දිය උනේ සිකුරාදා දවසක, ඔන්න සෙනසුරාද අපි ගිහින් කෝමාරිකා පඳුර බලල ෆොටෝ අරගෙන ආව. ඔන්න ඉතින් අපි ඉරිද පල්ලි ගියා වෙලින්ග්ටන් නගරෙ තියෙන පල්ලියකට. මෙන්න බොලේ පාර මැද්දෙ මල් වවපු තැන් වලත් කෝමාරිකා මල් පිරිල. මම ඔයාලට බලන්න ඒ ෆොටෝත් දාල ඇති පහල. තරහ වෙන්න එපා මට තියෙන ෆෝන් එකෙන් තමයි ඔය ෆොටෝ ගත්තෙ, ඒක නිසා එච්චරම පැහැදිලි නැතිව ඇති.
ඉතින් මට හිතුන මේ පුංචි සිද්දිය කොච්චර දෙයක් කියනවද අපි ගැනම කියල. බලන්න අර කෝමාරිකා පඳුර හරියට අපේ ජීවිතේ අපි නොදකින අපේම වටිනාකම් වගේ, කොච්චර ලඟින් තිබුනත් කොච්චර ලස්සන උනත් අපිට වෙලාවක්නෑ ඒ ලස්සන දකින්නවත්, ඒලඟ නතරවෙලා බලන්නවත් හිතන්නවත්. අනික අර නගරෙ මැද්දෙ තිබුන කෝමාරිකා මල් පඳුරු අපි හැමදාම දැක්කත් අපිලඟම හිටියත් අපි නිකමටවත් හොයල බලන්නෙ නැති අපේම ලඟ ඉන්න සහෝදරය වගෙ නේද?
මට මතකයි දවසක් මට බේලන් පියතුමා කිව්ව අපි හැමෝම ආශ්චර්යන්, ප්‍රාතිහාර්යයන් වෙනකන් බලන් ඉන්නව ඒත් නිකමටවත් හිතල බලන්නෙ නෑ අපි ලඟම තියෙන තණකොළ ගහක් මලක් පුබුදින එක කොච්චර ආශ්චර්යයක්ද කියන එක කියල, ඒ ආශ්චර්යයන් දැකදැකත් නොදකින අපිට, අපි පතන ආශ්චර්යයන් ලැබුනත් දකින්න අපිට පුලුවන් වෙයිද?
ජේසු පිහිටයි!
Test reference
